rss
twitter
    Ako ay sundan. Follow me, follow me. Falalalala
Ang mga pahina sa blog na ito ay maaaring naglalaman ng mga imahe at katagang di angkop sa mga batang mambabasa. Rated R ito, mga Kaechos! Patnubay ng magulang ay kailangan. Chos! Kung nagtataka kang bakit Echoserita ang pangalan nito, basahin ito.

Bakla Ka Ba?

Related Stories Widget by LinkWithin

kiss me i'm gay, gay canvas bagKung ikaw ay baklang halata at “out”, sasagutin mo ang tanong sa taas nang buong tapang at nakataas-noo pa, o pede ring taas kilay na ahit 2000: “Yes I am!”

Sosyal na bakla, Englishera!

Kung ikaw ay baklang ampalaya, na kahit halata na ay pilit mo pa ring kinukubli, wag mo lang din sanang itaas ang kilay kapag tinanong ka ng kaparehong tanong. Baka ma-confirm, Te!

Kung ikaw naman ang baklang babae, lalo pa’t marami na ngayong baklang babae, sasagutin mo din ito nang proud na proud pa.

gay soccer players with ladies bagAt kung ito ay itatanong din sa mga baklang pa-macho effect, sasagutin ka nila ng “Gago! Pahampas ka ba ng bag ko?” Ha ha ha. May ganun? Huwag lang din sanang marinig na madulas at masabing, “Pre, pahiram naman ng lipstick.”


Dumarami na nga ang mga bakla. Ayon sa statistika, bawat taon ay tumataas ang bilang ng mga bakla sa bansa ng labing-isa at kalahating porsyento (11.5%). Average na yan. Yan ay base sa mga survey na kinapanayam ang mga baklang aminado, mapahalata man o hindi.

Pero ang statistikang ito ay kathang-isip lamang. Ang naniniwala sa sabi-sabi ay walang tiwala sa sarili.

Kung ikaw nga ay tunay na kadugo, hindi mo ba minsang naitanong bakit ka ba bakla? O kung ikaw ay may kamag-anak o kaibigan, o kahit na kakilala lang, na bakla eh hindi mo ba naiisip anong sanhi nito?

Ang pagiging bakla ba ay nakatadhana o sadyang kagustuhan ng tao na maging ganun siya? Is it a destiny or a choice? (Pengeng bulak, may tumulong dugo sa ilong ko.)

gay kids, batang badingAng lalake simula pagkabata ay may dalawang daan na pinagpipilian: ang daang matuwid, at ang daang liko-liko. (Noy, ikaw ba yan?)

Ang daang matuwid ay ang daan ng kaluwalhatian. Kapag ang lalake ay ito ang pinili, siya yung tipong “the good son.” Tuwid. Straight.

Ang daang liko-liko naman ay ang daan na tinatahak ng mga lalakeng naguguluhan sa buhay. Hindi mawari kung ano ang katuturan ng sekswalidad nila. Dito dumadaan ang mga silahis. Paliko-liko. To the left, to the left = babae ang titirahin (gaya ni Beyonce) To the right, to the right = kapwa may lawit ang titirahin (gaya ni Jay-Z. Yaks!).

Eh san ang daang pinili ng mga bakla?

Wala sa dalawa.

Eh san nga?

Isipin mo ang patalastas ni Noynoy noon. Sa gitna ng dalawang daan, may daang madamo. Maberde.

Digs?

Ang laging tukso sa mga bakla ay kulay berde daw ang dugo. Kaya ang mga bakla ay mas pinipili yung daan sa pagitan ng tuwid at liko-liko. Ang daang madamo. Maberde.

Ang mga damo ay makati. Ang mga bakla din naman kasi ay makati, kawangis ng kating naidudulot ng madamong daan na tatahakin.

Kapag may damo, maraming ahas. At ang ahas ay kawangis ng pinakaasam-asam ng mga bakla. Ewan ko ba. Lagi akong napapaisip bakit gustung-gusto ng mga bakla ang “ahas” eh may sarili naman sila. Bakit nga ba? (Painosente effect. Inocente de Ti.)

Sa daang masukal din ay maraming adbentyur. At ang mga bakla din ay sadyang napakaadbentyurus. Iniisip nilang sa dulo ng masukal na gubat ay may dreamland. Yung tipong may falls na pede silang tumalon at habang nasa ere ay damdam nila ang pagiging diyosa, at pagkahulog sa tubig sa baba ay feeling nila sirena sila. Tapos sa di kalayuan nito, ay may paso ng ginto, na siyang isang dulo ng rainbow, at dito ang akyatan nila. Magpaparada na sila sa bahaghari. “Follow me, follow me, fa la la la la” ang drama nila, with matching tugtog ng 3OH!3 featuring Neon Hitch. O kung makaluma at di updated ang mga bakla, ang OST nila ay “I will follow you. Follow you wherever you may go”, yung sa Sister Act.

3OH!3 feat. Neon Hitch - Follow Me Down

Sa katunayan, sa sobrang pagkaadbentyurus din ng mga bakla, may iba nabubugbog, may iba nasasaksak to death, may iba nakukulong, may iba nasasabunutan, at may ibang natatanggalan ng ilang piraso ng ngipin. Pero kahit ganun, go pa rin ng go ang mga bakla. For the win, ika nga!

Ganyan ang buhay ng mga bakla, baklita, baklitita. Ng mga bading, badingita, badingitita. Ng mga bayot, bayota, bayotita. Ironic ang buhay nila. Paradoxical. (Ilabas ang dictionary!)

Sa bandang huli, hinding-hindi mo masisisi ang mga bakla sa daang tinahak nila. At hinding-hindi mo rin sila masisisi kung bakit sila nagkaganyan. Kung bakit kami nagkaganito. Kung bakit mas pinili namin ang daang madamo. Maberde. Maahas.

Sa mga taong makitid ang pag-iisip at kinokondena pa rin ang mga bakla, oo tama kayo na ang pagiging bakla ay hindi kagustuhan ng Diyos.

Pero ito'y kagustuhan ng mga diyosa!

ang pagiging bakla ay hindi kagustuhan ng Diyos, ito ay kagustuhan ng mga diyosa

7 comments:

sakpin said...

hahaha i like the comparison! winner ka teh!

Echo Serita said...

sang comparison pala? haha

PABLONG PABLING said...

lols di kagustuhan ng diyos? . . diyosa hahaha,

hindi man ako bakla pero sa tingin ko hindi kasalanan ng kahit sino mang bakla o tomboy na maging ganun sila. bakit hahayaan ni papa JEsus gumawa ng gaya nila kung ayaw ito ni Papa Jesus

Echos Erita said...

may tama ka! echos lang yang kasabihan, may masabi lang. charot!

Echos Erita said...

may tama ka! echos lang yang kasabihan, may masabi lang. charot!

PABLONG PABLING said...

lols di kagustuhan ng diyos? . . diyosa hahaha,

hindi man ako bakla pero sa tingin ko hindi kasalanan ng kahit sino mang bakla o tomboy na maging ganun sila. bakit hahayaan ni papa JEsus gumawa ng gaya nila kung ayaw ito ni Papa Jesus

ispluk said...

tumpak ateng. bongga ang mga bakla. me choices ahahahaha!

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment